Amin’izao fotoanan’ny Fiavian’ny Tompo izao dia voaantso isika mba hanokatra ny fontsika sy ny tenantsika manontolo mba ho tonga nofo ao amintsika i Jesoa, Tenin’Andriamanitra. Araka ny hitantsika ao amin’ny bokin’ny fianampanahin’ny Fikambanana ao amin’ny takila faha 47 dia Ny miaina ny aigam-panahin’y Fahatongavana ho Nofo, dia ny mamela an’i Jesoa Kristy hanohy ny Fahatongavany ho Nofo ao amintsika. Raha hamerina indray ny fomba fitenin’i Md Jean Eudes : avelao ny Fanahy Masina « hamolavola Azy ao amintsika » ary « hanohy ny fiainany eto an-tany ».  

Amin’izao  fotoana mialoha Noely izao dia tsara raha mibanjina an’i Maria sy i Josefa isika ary mitodika amin’izy ireo mba hanoro làlana antsika.  Amin’ny alalan’izy roa ireo dia afaka nanatanteraka ny fahatongavan’ny Zanany ho nofo Andriamanitra, noho ny finoan’izy ireo, ny fahavononany, ny fitadiavany ny sitrapon’Andriamanitra ary ny fahafahany mandray ireo zavatra tsy nampoizina avy amin’Andriamanitra.

Amin’ny alalan’ny eny nataon’i Masina Maria dia Andriamanitra Ray afaka  maniraka ny Zanany ho tonga nofo mba ho  Lalana, Fahamarinana ary Fianana ho antsika.

Maria-Làlana ahafahan’Andriamanitra ho tonga aty amintsika  .

Maria-Sisantany izay manome làlana an’i Andriamantra hiroso mankaty  amintsika.

Maria-Trano misy varavarana misokatra nivoahan’i Jesoa Zanak’Andriamitra ka nonina taty amintsika.

 (Gabriel Ringlet dans Eloge à la fragilité)

Ry Maria ô,

Ankehitriny, miaraka aminao, dia te-hitoetra

eo anoloan’Andriamanitra Ray izahay. 

Amin’ny alalan’ny finoana dia te-hahatsapa bebe kokoa fa ao anatinay i Jesoa sy ny heriny,

Te-hamela ny Fanahy Masina hamelombelona ny fisiany ao anatinay

Mba ho tanteraka aminay ny fomba fiainany

                Enga anie ny fijerinay mitovy amin’ny Azy.

                Enga anie  ny fomba itiavany hanenika ny fihetsikay

                        sy ny ataonay rehetra

                Enga anie ny teny lazainay hitondra ny fiadanany

Enga anie mirehitra ao am-ponay ny afom-pitiavany  

Aoka ny tenanay sy ny fiainanay manontolo ho taratry ny fitiavany feno famindrampo ka afahan’ny olona mahatsapa fa mendri-kaja sy tiavina eo imason’Andriamanitra Izy ireo. Ry Maria ô, angataho izany fahasoavana izany ho anay tsirairay amin’ny Zanakao sy amin’Andriamantra Rainy sy Rainay, izay nampamokatra ny fiainanao tsotra, feno fanetrentena sy fahavononana. Ampianaro izahay haka tahaka anao.

                                                                                      J.B. - Noël 1996

Tao amin’ny toriteny nataon’ny Papa Benoit XVI tany Yaoundé,  18 Marsa 2009 nilaza izy fa i Md Josefa dia manolotra ny tsiambaratelon’ny olona izay miaina eo anoloan’ny Mystery. 

… Manasa anareo aho mba hibanjina an’i Md Josefa. Tamin’ny andron’ny fiarahaban’ny anjely dia efa fofom-badin’I Josefa I Maria. Noho ny Tompo nitodika manokana tamin’i Masina Maria dia efa nampiditra ihany koa     i Md Josefa ao amin’ny Misterin’ny Fahatongavana ho nofo Izy.  Nanaiky i Md Josefa mba handray anjara amin’ny tantaram-pamonjena izay natombok’Andriamanitra tao an-kibon’i Maria.  Naka an’i Maria ho vadiny izy. Nanaja ny mistery misy ao aminy sy ny misterin’ny tenany I Md Josefa.  Fitiavana feno fanajana no nitiavany an’i Maria, izay marika ny tena fitiavana.  Mampianatra antsika i Md Josefa fa afaka mitia marina ny hafa isika nefa tsy mametra-tanana aminy na mahatonga azy ho fananantsika.

Ry Josefa ,

Nanana vinam-piainana mikasika ny ho avy ianao 

                Hanambady an’I Maria,

                Hanoriana tokantrano,

                Ho rain’ny zanany.

Nekenao fa tafiditra ao amin’ny fiainanao ny tsy nampoizina avy amin’Adriamanitra, izay sady nampiova ny fiainanao no nandrava tanteraka izay voarafitrao.   

Tamin’ny voalohany,  te-hihataka ianao mba hahazoan’Andriamanitra, izay tena Rayn’ny zaza, mandray ny anjara toerany.

Nandà ny hanana ‘zazalahy ara-nofo’ ianao kanefa nandray azy am-pinoana tahaka ny tolotra avy amin’Andriamanitra , zanaky ny fampanantenana.

Nekenao nandray an’i Masina Maria ho vadinao, fa amin’ny fomba hafa tokoa…
Niray taminy ianao tamin’ny alalan’ny fiombonanao amin’ny finoany, ny fahavononany sy ny fitadiavany ny sitrapon’Andriamanitra.

Izany dia nampamokatra ny fiananao sy fiainanareo roa ho soa ho an’ireo taranaka mifandimby.

Ampianaro izahay mba handray tokoa ireo fikasan’Andriamanita na dia mampisifotofoto ary tsy ampoizina izany.

Ampio izahay mba hamela an’Andriamitra hampamokatra ny fiainanay araka izay sitraky ny fony.

J.B. - Noël 1996

Ao amin’ny tantaran’ny Fiarahabana an’i Masina Maria dia hoy ny Anjely : Tsy misy tsy azon’Andriamanitra atao… fa ny tantara manontolo dia manaporofo fa sitrak’Andrimanitra mandalo amintsika olombelona mba hanatanteraka izay no heverina fa tsy azo tanterahana. Mila an’i Maria sy i Josefa Andriamanitra mba hahafahan’ny Zanany ho tonga nofo sy miara-monina amintsika.  Amin’ny fomba ahoana no avelantsika an’Andrimanitra hanololotra ny Zanany amin’ny alalantsika ?  Manana fahavononana sy fo misokatra  eo anatrehan’ny sitrapon’Andriamanitra ve isika ? Fantatsika fa indraindray tena tsy ampoizina ary sarotra fantarina  izany sitrapon’Andriamanitra izany.  Manambara ny sitrapony Andriamanitra amin’ny alalan’ny hafa sy ireo zava-mitranga. … Amin’ny fitadiavana amin’ny fo mazoto ny laha-pitiavan’Andriamanitra ho anao sy ho an’izao tontolo izao  dia ho tsapanao sy hitanao fa misy Andriamintra ao amin’ny zavatra rehetra (cfr Const. N°4)

Enga anie ny fanakalazan’ny noely mba ho fotoana ahatsapantsika bebe kokoa ny andrasan’Andriamanitra amintsika mba ho tonga nofo ao amintsika i Jesoa Zanany izay mitondra fahazavana sy fiainana eo anivon’izao tontolo izao.

Soeur Josette Bijloos